غزل ۔ ۔ ۔ طارق بشیر

شاعر: طارق بشیر

رخشاں ہے محبت میں خیالوں کا شبستاں
اس سے ہی مہکتا ہے مرا سارا گلستاں

بہتا ہے مرے دل میں ترے پیار کا دریا
ہر لمحہ مرے دل میں تو بستا ہے مری جاں

گرتی ہے مرے دل پہ ترے پیار کی شبنم
ہر آن نکھرتا ہوا سارا ہے یہ بستاں

ہر سمت ترے پیار کا چرچا ہے یہاں پر
ہے دل کی حکومت میں فقط تو ہی تو سلطاں

تجھ سے ہی تو روشن ہیں مرے شام و سحر بھی
اک تو ہی تو ہے میری تمنا مرا ارماں

ہے زیست کی راہوں کا بنا تو ہی تو رھبر
تجھ سے ہی ملا مجھ کو ہے یہ جینے کا عرفاں