سلام بر اِمامِ عالی مقام
کلام : پروفیسر کرامت راجپوت
ھے کاروانِ عشق ازل سے رواں دواں
باطِل کے کوہسار اَبد تک دھواں دھواں
پروانے سجدہ ریز ھیں ابتک وہاں وہاں
روشن ترے لہُو سے ھیں شمعیں جہاں جہاں
لالے کا سوز ‘ رنگِ شفق ‘ سُرخئ حنا !
پہنچے ترے لہُو کے شرارے کہاں کہاں
نہرِ فُرات اپنے مُقدر پہ خندہ زن
جزبِ حُسین تشنہ لبی میں جواں جواں
ظُلمت کدوں کوتونے زمیں بوس کردیا
تیری جبیں سے نور کی کرنیں عیاں عیاں