دلوں سےنکلی آہوں کااثر دیکھ رہے ہیں

( ریاض احمد ملک  دوالمیال ضلع چکوال)

مظلوموں    کی   آہوں   کا   اثر دیکھ رہے ہیں

قربِ  مولا   کے   نظاروں  کا   اثر دیکھ رہے ہیں

خوفِ خدا  میں   ڈوبے سجدوں  کا اثر دیکھ رہے ہیں

اشک   برساتی  اپنی  نگاہوں  کا  اثر دیکھ رہے ہیں

نیم شب  کی  کرب  اور  درد  و  الم  میں  ڈوبی

اسیران  ،  آقا کی   دعاؤں  کا  اثر دیکھ رہے ہیں

ابتلاؤں اور آزمائشوں میں جوش و جنوں میں ابھری

دلوں  سے  برپا  سسکیوں  کا   اثر دیکھ رہے ہیں

ہر لمحہ ،  ہر لحظہ،  شام و سحر  محمد مصطفیٰ ﷺ  پر  بھیجے

اسیران  ،  درود  و  سلام  کا   اثر دیکھ رہے ہیں

عشقِ مصطفیٰ ﷺ  میں  ڈوبی  رات کو  پچھلے پہر

دلوں  سے  نکلی  آہوں  کا   اثر دیکھ رہے ہیں

عزم و ہمت  اور  رقعت  میں ڈوبی دعاؤں سے

غفور و رحیم  خدا کی  رحمت  کا  اثر دیکھ رہے ہیں

بھنور  میں  ڈال  کر  اپنی  دعاؤں  کی  ناؤ کو

ریاض  ـؔ عشق  کے  ساگر  کا  اثر دیکھ رہے ہیں

Leave a Reply

Your email address will not be published. Required fields are marked *